Almatyda jabaıy saýdaǵa baılanysty 36 mln teńge aıyppul salyndy

ALMATY. KAZINFORM — Almatyda jabaıy saýdaǵa qarsy qandaı jumys atqarylyp jatyr? Bul suraqqa Almaty qalasy kásipkerlik jáne ınvestıtsııalar basqarma basshysynyń orynbasary Erlan Omarov jaýap berdi.

— «Jabaıy saýda» boıynsha kúndelikti jumys júrgizilip keledi. Osy jyldyń ishinde 5 myńnan asa ákimshilik hattama toltyrylyp, 36 mıllıon teńgeden astam aıyppul salyndy. Sonymen qatar zańsyz saýda jasap júrgen adamdar zańdy jumysqa nıet bildirse, olardy qoldaý retinde qalanyń basqa saýda oryndaryna jeńildetilgen oryndar beriledi, — dedi ol.

Sonymen qatar Erlan Omarov ár aýdanda zańsyz saýda dúńgirshikteri men oıyn avtomattaryn anyqtaıtyn jumys toptary qurylǵanyn atap ótti.

— Jyl basynan beri 1 myńǵa jýyq zańsyz saýda dúńgirshikteri jáne saýda-oıyn avtomattary anyqtaldy. Onyń ishinde 460 dúńgirshek buzylyp, 330 oıyn avtomaty alyndy. 200-ge jýyq dúńgirshek boıynsha óz erkimen buzýǵa eskertý hattary berildi. Olardy elektr jelilerin úzý jumystary júrip jatyr, — dedi ol.

Eske salaıyq, buǵan deıin «Baraholka» boıyndaǵy jabaıy saýdaǵa baqylaý kúsheıtilgenin jazǵanbyz.