Almatyda zańsyz saýda jasap kelgen 7 oryn jabyldy
ALMATY. KAZINFORM – Almatynyń Áýezov aýdanynda zańsyz saýdanyń 7 iri orny joıyldy.
Áýezov aýdany ákimdiginiń málimetinshe, aýdanda zańsyz saýda júrgizgen 7 iri oryn tolyqtaı joıyldy. Bul aýmaqtarda kıim-keshek, kókónis, sút ónimderi men gúlder zańsyz satylǵan.
- Atalǵan jumys qala ákiminiń tapsyrmasy boıynsha belgilenbegen oryndardaǵy saýdanyń jolyn kesý jáne Almaty qalasyn kóriktendirý qaǵıdalarynyń saqtalýyn qamtamasyz etý aıasynda júrgizildi. Saýdamen aınalysqan azamattarǵa qoldanystaǵy zańnama talaptaryn saqtaý qajettigi jóninde túsindirý jumystary júrgizildi, - dep habarlady ákimdikten.
Jalpy jyl basynan beri aýdandyq polıtsııa basqarmasy QR ÁQBtK 204-baby boıynsha quqyq buzýshylarǵa qatysty jalpy somasy 3,4 mln teńgeden asatyn 698 ákimshilik hattama toltyrǵan. Sonymen qatar Kodekstiń 505-baby boıynsha jalpy somasy 5,3 mln teńgeden asatyn 1 386 ákimshilik hattama rásimdeldi. Sondaı-aq bıyl Áýezov aýdanynda 192 statsıonarlyq emes saýda nysany buzylǵan.
Eske salaıyq, Astanada zańsyz alkogol saýdasyna qarsy baqylaý kúsheıtildi.
