Almatyda zeınetkerlerdiń shyǵarmashylyq jumystarynyń kórmesi ashyldy
ALMATY. KAZINFORM — Almaty qalasynda búginnen bastap qarttar aılyǵy toılanyp jatyr. Osyǵan oraı, «Almaty mýzeıinde» zeınetkerlerdiń shyǵarmashylyq jumystarynyń kórmesi uıymdastyryldy.
Kórmede Almaty qalasynyń belsendi uzaq ómir súrý ortalyǵynda sýret salýdy úırengen zeınetkerlerdiń 20-dan astam jumystary qoıyldy. Sýret avtorlarynyń biri — 67 jastaǵy Baıan Janzaqova. Zeınetker «Teńiz jáne jelken» dep ataǵan jumysyn 3 aıdan astam ýaqyt ishinde salyp shyqqan.
— Men ómirimde qalam ustap kórmesem de, 67 jasymda qalamyzdaǵy kórmege qatysyp jatyrmyn. Jalpy Almaty qalasynyń belsendi uzaq ómir súrý ortalyǵyna baryp júrgenime 5 jyldaı boldy. Ol jerde biz ártúrli úıirmelerge qatysamyz. Bizge óz salasyna eńbek sińirgen mamandar úıretedi. Bul biz úshin úlken mereke, — dep atap ótti ol.
Іs-sharaǵa Almaty ákiminiń orynbasary Ásem Núsipova qatysty. Ol aldyńǵy býyn ókilderin halyqaralyq qarttar kúnimen quttyqtady.
— Búgin Erbolat Dosaev qalalyq aqsaqaldar keńesimen kezdesý ótkizip, onda aldyńǵy býyn ata-ájelerimiz bárimiz úshin úlgi ekenin atap ótti. Qalamyz belsendi uzaq ómir súrý ortalyqtary arqyly, «Shyńǵa órleý», «Baqytty otbasy» jáne basqa da jobalarymen sizderge qoldaý kórsetedi. Sizderdi kórmeniń ashylýymen quttyqtaımyn, — dedi qala ákiminiń orynbasary.
Eske salaıyq, 1 qazan — Halyqaralyq qarttar kúni.
Sondaı-aq Almatyda qarttar aılyǵy qalaı ótetinin jazǵan edik.