Almatyda zeınetkerlerdi óltirip, úıin órtep jibergen kúdikti ustaldy

ALMATY. KAZINFORM – Almatyda jeke úıdegi órtti sóndirý barysynda eki adamnyń máıiti tabyldy.

Aldyn ala derek boıynsha bul úıde turǵan zeınetkerlerdi qylmysker óltirip, úıdi órtegen. Almaty qalasynyń Polıtsııa departamenti atalǵan jaǵdaıǵa baılanysty qylmystyq is qozǵalǵanyn habarlady.

- Kisi óltirý deregi boıynsha qylmystyq is qozǵaldy. Kúdikti «izin sýytpaı» ustalyp, ýaqytsha ustaý ızolıatoryna qamaldy.

Aldyn ala málimet boıynsha, qylmystyń sebebi urys-keris pen arazdyq bolǵan. 

Basqa da mán-jaılar anyqtalýda, - dep habarlady departamentten.

Eske salaıyq, Almaty qalasynyń TJD taýly aımaqta órt qaýipsizdigin buzǵandarǵa 370 myń aıyppul salynatynyn eskertti.