Almatyda zeınetkerlerdi 1,5 mlrd teńgege aldaǵan ınternet-alaıaqtar ustaldy
ALMATY. KAZINFORM – Almaty qalasy prokýratýrasynyń úılestirýimen qart azamattarǵa qatysty ınternet-alaıaqtyq jasaýda kúdikti adamdar tobynyń qyzmeti toqtatyldy.
Qylmyskerler ózderin quqyq qorǵaý organdary men qarjy ınstıtýttarynyń qyzmetkerleri retinde tanystyryp, jábirlenýshilerdi jyljymaıtyn múlikti satýǵa jáne aqsha qarajatyn baqylanatyn shottarǵa aýdarýǵa kóndirgen. Keltirilgen shyǵynnyń jalpy somasy 1,5 mlrd teńgeden asty.
Tergep-tekserý barysynda qylmystyq shemany uıymdastyrýshylar men qatysýshylar anyqtalyp, ustaldy. Olardyń áreketteri QR QK-niń 190-baby 4-bóligimen saralanyp, sot kúzetpen ustaý túrindegi bultartpaý sharasyna sanktsııa berdi.
Sotqa deıingi tergep-tekserý jalǵasyp jatyr.
Іshki ister mınıstrliginde azamattarǵa alaıaqtyqtyń jańa shemasy týraly eskertý jasalǵanyn jazǵan edik.
Astanada 1500-den astam ınternet-alaıaqtyq faktisi tirkeldi.
