Almatyda zertteý reaktorlaryn paıdalaný jónindegi halyqaralyq keńes ótip jatyr
ASTANA. KAZINFORM — 18 tamyzda QR Atom energııasy jónindegi agenttiginiń tóraǵasy Almasadam Sátqalıev ıAdrolyq fızıka ınstıtýtyna baryp, onda AEHA-nyń zertteý reaktorlaryn paıdalaný rásimderin ázirleý jáne ózektendirý máseleleri jónindegi aımaqtyq keńeske qatysty.
Agenttiktiń baspasóz qyzmetiniń málimetinshe, is-sharaǵa Qazaqstan, Tájikstan, Slovenııa, Túrkııa, Nıderland, Kanada, Polsha jáne Majarstannan 11 maman men sarapshy qatysty.
Qatysýshylar zertteý reaktorlaryn qaýipsiz paıdalaný, personaldy daıarlaý, tehnıkalyq qyzmet kórsetý, radıatsııalyq qorǵaý jáne avarııalyq daıyndyq máselelerin talqylap jatyr.
Óz sózinde Almasadam Sátqalıev zamanaýı zertteý ınfraqurylymyn damytý Qazaqstannyń atom salasyn uzaq merzimdi damytýdyń negizgi sharttarynyń biri bolyp tabylatynyn atap ótti.
— Qazaqstannyń eleýli ǵylymı jáne tehnologııalyq áleýeti bar. Bizdiń mindetimiz — ony odan ári damytý, zertteý ınfraqurylymyn jańǵyrtý jáne onyń múmkindikterin atom salasynyń jańa mindetterin sheshý úshin paıdalaný. Bul jumysta AEHA-men yntymaqtastyq jáne halyqaralyq tájirıbe almasý erekshe mańyzǵa ıe, — dedi agenttik tóraǵasy.
Aımaqtyq keńes Almatyda 2026 jylǵy 17–21 tamyz aralyǵynda ótedi.
Buǵan deıin Qazaqstan men Frantsııa atom energetıkasy boıynsha yntymaqtastyqty kúsheıtetinin jazdyq.
