Almatyda zańsyz jumys istep kelgen 11 sheteldik azamat elden shyǵaryldy
ALMATY. KAZINFORM – Almaty kóshi-qon qyzmetiniń qyzmetkerleri zańsyz eńbek etken, sondaı-aq qala aýmaǵynda tıisti qujattarsyz júrgen sheteldik azamattardy anyqtady.
Polıtsııanyń málimetinshe, quqyq buzýshylardyń bir bóligi qabyldaý-taratý ornyna jetkizilip, birqatar fakti boıynsha ákimshilik yqpal etý sharalary qoldanyldy.
Eki kúnniń ishinde kóshi-qon zańnamasyn buzǵany úshin 60-tan astam adam jaýapkershilikke tartyldy. Onyń ishinde 11 sheteldik azamat Qazaqstan aýmaǵynan shyǵaryldy.
Sonymen qatar tirkeýsiz nemese jeke basyn kýálandyratyn qujattarsyz turǵan tulǵalar, sondaı-aq sheteldik jumys kúshin tartý qaǵıdalaryn buzǵan jumys berýshiler anyqtaldy.
Júrgizilgen is-shara bir aýdan aýmaǵynda ótkizildi. Polıtsııa aldaǵy ýaqytta mundaı tekserýler qaladaǵy barlyq aýdanda kezeń-kezeńimen uıymdastyrylatynyn málimdedi.
Eske salaıyq, buǵan deıin ShQO-da qos azamattyqpen júrgen 11 adam elden shyǵarylǵanyn jazǵanbyz.