Almatyda zańsyz jumys istegen 27 sheteldik ustaldy
ALMATY. KAZINFORM - Almatyda Ózbekstannyń 27 azamaty zańsyz jumys istegen. Olardy polıtsııa qyzmetkerleri «Zańsyz» respýblıkalyq jedel aldyn alý is-sharasy barysynda anyqtady.
«Іs-shara aıasynda Qazaqstan Respýblıkasynyń kóshi-qon zańnamasyn buzǵan Ózbekstannyń 27 azamaty ustaldy. Tekserý kezinde 9 sheteldiktiń jeke basyn kýálandyratyn qujattary bolmady. Olar PD-niń qabyldap-taratýyna ornalastyryldy. Árbir quqyq buzýshynyń jeke basyn anyqtaý jumystary júrgizilip jatyr», - dedi Almaty qalasy Polıtsııa departamentiniń Kóshi-qon qyzmeti basqarma bastyǵynyń orynbasary, polıtsııa polkovnıgi Gennadıı Men.
Aıta keteıik, buǵan deıin Almatyda zańsyz júrgen Afrıka azamattary deportatsııalanǵanyn jazǵan edik.
Sondaı-aq Kóshi-qon qyzmeti «Stop trafık» jedel aldyn alý is-sharasy barysynda Almatyda jezókshelikpen aılanysqan 7 sheteldikti ustaǵanyn jazǵanbyz.
