Almatyda zańsyz jarnama qurylymdary alyp tastaldy
ALMATY. KAZINFORM - Almatyda syrtqy jarnama nysandaryn belgilengen talaptarǵa sáıkestendirý jumystary jalǵasyp jatyr.
Almaty qalasy Sáýlet jáne qala qurylysy basqarmasynyń málimetinshe, syrtqy kórneki jarnamany ornalastyrý qaǵıdalaryna sáıkes kelmeıtin, zańsyz ornatylǵan qurylymdarǵa monıtorıng júrgizilip jatyr. Mundaı nysandardyń ıelerine zań buzýshylyqtardy joıý qajettigi týraly habarlama jiberiledi.
Belgilengen talaptar oryndalmaǵan jaǵdaıda jarnama qurylymdary alynyp tastalady.
- Qalanyń sáýlettik kelbetine nuqsan keltirip, kóshelerdiń kórkin buzatyn, sondaı-aq júrginshiler men kólik qozǵalysynyń qaýipsizdigine kedergi keltiretin nysandarǵa basa nazar aýdarylady. Bul baǵyttaǵy jumys turaqty túrde júrgizilip keledi jáne aldaǵy ýaqytta da kúsheıtiledi», – dedi basqarma ókilderi.
Eske salsaq, Almatyda zańsyz salynǵan avtokólik jýý orny buzylǵan edi.
