Almatyda zańsyz úlestirilgen 700 mln teńgeniń jeri memleketke qaıtaryldy
ALMATY. KAZINFORM — Almaty qalasy Medeý aýdanynyń prokýratýrasy qala ortalyǵynda jeke tulǵalarǵa zańsyz berilgen jer ýchaskelerin anyqtady.
2009 jyly memleket muqtajy úshin Shyǵys aınalma avtojolynyń qurylysyna baılanysty naryqtyq qunymen 1,2 mlrd teńgege Radlov kóshesinen 13 jer ýchaskesi satyp alynǵan.
«Almaty ÁKK» AQ 2021 jyly alynǵan ýchaskelerdiń birin (35 akr) qoǵamdyq is-sharalar keshenin salý úshin JShS-ge bergen.
Aýdany 3500 sharshy metr ǵımarattyń ornyna zańdy tulǵa 22 sharshy metr tehnıkalyq úı-jaı turǵyzyp, 32 mln teńgege jerdi jeke menshikke zańsyz satyp alǵan.
Bul rette ýchaskede kezekti kommertsııalyq obektini salý josparlanǵan bolatyn, bul — halyq pen qala úshin qoǵamdyq mańyzy joq is.
Medeý aýdany prokýratýrasynyń talap aryzy boıynsha sot mámileni jaramsyz dep tanydy (zańdy kúshine engen joq).
Basqa jaǵdaıda, osy aýdanda 2020 jyly mindetti aýktsıon ótkizbesten eń jaqsy usynysty tańdamaı, jergilikti atqarýshy organ kommertsııalyq maqsatqa taǵy bir JShS-ge ýchaske (37 akr) bergen.
Jer osy ýaqytqa deıin ıgerilmegen. Prokýratýranyń qadaǵalaý aktisi boıynsha jyljymaıtyn múlik memleketke qaıtaryldy.
Joǵaryda atalǵan jerdiń naryqtyq quny 700 mln teńgeden asady.
