Almatyda zańsyz salynyp jatqan turǵyn úı kesheni buzyldy

ALMATY. KAZINFORM — Almatyda sot zańsyz salynyp jatqan turǵyn úı keshenin buzý týraly sheshim shyǵardy.

Almaty qalalyq sotynyń 2023 jylǵy 24 shildedegi qaýlysymen Almaty qalasy ákimdiginiń talap aryzyn qanaǵattandyrý jáne Ermensaı shaǵyn aýdany 7, 7 / 71 mekenjaıy boıynsha zańsyz salynyp jatqan kóppáterli úıdi buzý týraly sheshim qabyldandy.

«Graff» turǵyn úı kesheni úsh jer teliminde tıisti ruqsat qujatsyz salynǵan.

Buǵan deıin qala qurylysyn baqylaý basqarmasy tapsyrys berýshige (jeke tulǵaǵa) qatysty buzýshylyqtardy joıýǵa nusqama berip, ákimshilik sharalar qabyldady, al keıinirek Bostandyq aýdandyq sotyna buzýǵa talap aryz túsirdi.

Byltyr aýdandyq sottyń sheshimimen basqarmanyń zańsyz qurylysty buzý týraly talap aryzy qanaǵattandyryldy. 2023 jyldyń 19 qazanynda apellıatsııalyq sot birinshi satyly sottyń sheshimin ózgerissiz qaldyrdy.

Nysan osy jyldyń 29 shildesinde Ádilet departamentiniń sot oryndaýshylarynyń qatysýymen buzyldy.

Esterińizge sala keteıik, byltyrdan beri 40 zańsyz nysan, onyń ishinde «Mechta», «KHAN», «Alma Garden» TÚK buzyldy.