Almatyda zańsyz salynǵan tehnıkalyq qyzmet kórsetý ortalyǵy buzyldy

ALMATY. KAZINFORM – Almatyda Rozybaqıev kóshesi, 63 mekenjaıynda iri kúrdeli qurylys buzyldy. Menshik ıesi nysandy ruqsatsyz salǵan.

Almatynyń qala qurylysyn baqylaý basqarmasy iri tehnıkalyq qyzmet kórsetý ortalyǵy buzylyp jatqanyn málimdedi.

Buǵan deıin jospardan tys tekserý barysynda basqarma «AQJOL» JShS ıesine qatysty ákimshilik sharalar qabyldap, anyqtalǵan buzýshylyqtardy joıý týraly nusqama bergen.

Alaıda nusqama talaptary oryndalmaǵandyqtan, osy jyldyń 13 qyrkúıeginde basqarma Almaty qalasy mamandandyrylǵan aýdanaralyq ekonomıkalyq sotyna nysandy buzý týraly talap-aryz jiberdi.

Sot protsesi aıaqtalmasa da, nysannyń ıesi nysandy óz erkimen buza bastady.

Osyǵan deıin Almatyda 1350 sharshy metrden astam salynyp jatqan ǵımarattyń buzylǵany týraly jazǵan edik. https://kaz.inform.kz/news/almatida-r-kurilis-nisani-buzilip-zhatir-aa3476/

Jalpy, qalady byltyrdan beri 48 zańsyz nysan tolyǵymen jáne jartylaı buzyldy. Onyń ishinde bıznes ortalyq, meıramhana, qosalqy qurylys pen avtoservıs, sondaı-aq Mechta jáne KHAN sııaqty iri turǵyn úı keshenderi bar.