Almatyda zańsyz salynǵan taýnhaýs buzylyp jatyr

ALMATY. KAZINFORM – Almatynyń Asqartaý shaǵyn aýdany Jansaıa kóshesinde zańsyz salynǵan eki qabatty taýnhaýs buzylyp jatyr.

Qala qurylysyn baqylaý basqarmasynan habarlaǵandaı, menshik ıesine ruqsat qujattarynyń tolyq bolmaýyna baılanysty ákimshilik shara qabyldanyp, buzýshylyqtardy joıý týraly nusqama berilgen.

— Onyń merzimi aıaqtalǵannan keıin basqarma Bostandyq aýdandyq sotyna buzýǵa talap aryz túsirdi. Sot qaýlysymen birinshi satydaǵy buzý týraly sheshim ózgerissiz qaldy. Keıin Ádilet departamentinde atqarýshylyq is qozǵaldy, — dep atap ótti ákimdikten.

Nysandy buzý sot oryndaýshylarynyń qatysýymen bastaldy.

Osyǵan deıin Almatyda memlekettik qordyń jerinde zańsyz ornatylǵan statsıonarlyq emes saýda nysandaryn bólshekteý jumystary júrip jatqany týraly jazǵan edik. 

Almatyda sońǵy eki jylda 65 zańsyz nysan, onyń ishinde turǵyn úı keshenderi tolyǵymen nemese ishinara buzyldy.