Almatyda zańsyz salynǵan taǵy bir qosalqy nysan buzyldy
ALMATY. KAZINFORM – Almatyda Aqsaı-5 shaǵynaýdany, 25-úı mekenjaıyndaǵy kezekti zańsyz salynǵan qosalqy nysan buzyldy.
Buǵan deıin «Ozyurt» JShS-ne qatysty jospardan tys tekserý júrgizilgen. Turǵyn emes ǵımaratqa qosalqy nysan ruqsatsyz salynǵany anyqtaldy.
Tekserý qorytyndysy boıynsha ákimshilik sharalar qabyldanyp, materıaldar Almatynyń ákimshilik quqyq buzýshylyqtar boıynsha mamandandyrylǵan aýdanaralyq sotyna joldandy.
– 2025 jyly 21 aqpanda sot qaýlysymen menshik ıesi jaýapkershilikke tartylyp, zańsyz salynǵan nysandy májbúrli túrde buzý týraly sheshim shyǵaryldy. Búgin sot sheshimin oryndaý úshin nysan Ádilet departamenti sot oryndaýshylarynyń qatysýymen buzyldy, - delingen habarlamada.
Eske salaıyq, buǵan deıin Almatyda áýejaı mańyndaǵy turǵyn úı qurylysy toqtatylǵanyn habarlaǵan edik.