Almatyda zańsyz salynǵan taǵy bir ǵımarat buzyldy
ALMATY. KAZINFORM – Almatyda Nııazbekov kóshesi, 30/1 mekenjaıynda ornalasqan ǵımarat sot sheshimimen buzyldy. Bul týraly Almatynyń qala qurylysyn baqylaý basqarmasynyń ókilderi aıtty.
Budan buryn jospardan tys tekserý barysynda nysan ıesine (jeke tulǵaǵa) qatysty ákimshilik sharalar qabyldanyp, anyqtalǵan zańbuzýshylyqtardy joıý jóninde nusqama berilgen.
– Alaıda nusqama talaptary oryndalmaǵandyqtan, basqarma zańsyz salynǵan nysandy buzý týraly talap aryzben Jetisý aýdandyq sotyna júgindi. 2024 jyly 17 jeltoqsandaǵy sot sheshimimen talap aryz qanaǵattandyryldy, - delingen habarlamada.
Almaty sotynyń 2025 jyly 20 aqpandaǵy qaýlysymen birinshi satydaǵy sot sheshimi ózgerissiz qaldyryldy.
Qazirgi ýaqytta sot sheshimin oryndaý aıasynda nysan ıesi ǵımaratty óz kúshimen buzdy.
Eske salaıyq, buǵan deıin Almatyda Abaı dańǵyly boıynda, Saıran kóline jaqyn ornalasqan qurylysy aıaqtalmaǵan bıik ǵımaratty buzý jumystary bastalǵanyn jazǵanbyz.