Almatyda zańsyz salynǵan taǵy bir dámhana buzyldy
ALMATY. KAZINFORM — Almatyda Poddýbnyı kóshesi, 119-úı mekenjaıynda ornalasqan zańsyz nysan buzyldy. Bul týraly Qalalyq josparlaý jáne qurylys baqylaý basqarmasy habarlady.
Basqarmanyń málimetinshe, buǵan deıin júrgizilgen jospardan tys tekserý barysynda menshik ıesiniń ruqsatsyz óz betinshe qosymsha qurylys salyp, ony jazǵy dámhana retinde paıdalanǵany anyqtalǵan.
— Keıin menshik ıesine anyqtalǵan zańbuzýshylyqtardy joıý úshin qurylysty buzý jóninde nusqama berildi, - delingen habarlamada.
Búginde menshik ıesi nusqama talaptaryn oryndaý maqsatynda nysandy erikti túrde buzdy.
Eske salaıyq, buǵan deıin Almatyda Gogol kóshesi, 173 mekenjaıynda ornalasqan zańsyz «Bereke» bazary buzylǵanyn habarlaǵanbyz.
Menshik ıesi bazardyń saýda oryndaryn ruqsatsyz salǵan.
