Almatyda zańsyz salynǵan saýda pavılondary buzylady

Almatyda zańsyz salynǵan saýda pavılondary súriletin boldy, dep habarlaıdy Kazinform. 

Almaty Qala qurylysyn baqylaý basqarmasynyń málimetinshe, Dostyq dańǵyly 170/1 mekenjaıy boıynsha ýchaskedegi saýda nysandary zańsyz salynǵan. Sot bıyl 2 mamyrda atalǵan saýda pavılondaryn súrý týraly sheshim shyǵarǵan. Sot sheshimin oryndaý úshin jaqynda dúńgirshekterdi bólshekteý jumystary bastalady.

«Sol ýchaskede ornalasqan ǵımaratty súrý boıynsha sot protsesteri de aıaqtaldy. Buǵan deıin basqarma menshik ıesine qatysty 2022 jylǵy 28 qazanda Medeý aýdandyq sotyna súrý týraly talap aryz bergen. Osy jyldyń 9 maýsymda sot sheshimimen buzý talaby qanaǵattandyryldy. 2023 jylǵy 29 tamyzda Almaty qalalyq sotynyń qaýlysymen Medeý aýdandyq sotynyń sheshimi ózgerissiz qaldy», - delinedi habarlamada.

Qazirgi tańda atqarý paraǵy Ádilet departamentinde.