Almatyda zańsyz salynǵan iri kólik jýý nysany buzylyp jatyr
ALMATY. KAZINFORM – Almatyda zańsyz salynǵan iri kólik jýý nysany súrilip jatyr. Bul týraly qala qurylysyn baqylaý basqarmasy málim etti.
Sot sheshimimen Qalqaman shaǵynaýdany Tóle bı kóshesi 308/54 mekenjaıynda ornalasqan kólik jýý orny buzyldy.
«Jospardan tys tekserý kezinde Qalqaman shaǵyn aýdany Tóle bı kóshesi, 308/54 mekenjaıynda ruqsatsyz qurylys júrgizilgeni anyqtaldy. Basqarma Áýezov aýdandyq sotyna nysandy buzý jóninde talap aryz berdi. Osy jyldyń qańtar aıynda sot sheshimi boıynsha talap-aryzdar tolyǵymen qanaǵattandyryldy», - dep habarlady basqarmadan.
Almaty qalalyq Ádilet departamentiniń qyzmetkerleri sot sheshimin oryndaı otyryp, nysandy buzý jumystaryn bastady.
Eske salaıyq, byltyrdan beri 46 zańsyz nysan, onyń ishinde «Mechta», «KNAn», «Alma Garden» turǵyn úı keshenderi buzylǵan bolatyn.
Osyǵan deıin Almatyda zańsyz salynǵan dámhana men saýda alańdary buzylǵany týraly jazǵan edik.
