Almatyda zańsyz salynǵan nysan buzylyp jatyr
ALMATY. KAZINFORM — Almatynyń Qala qurylysyn baqylaý basqarmasy Dúısenov kóshesinde ornalasqan «Emıl» kafesine zańsyz salynǵan qosalqy nysannyń buzylyp jatqanyn habarlady.
Sot sheshimimen atalǵan nysan zańsyz dep tanylǵan. Buǵan deıin menshik ıesine qatysty jospardan tys tekserý júrgizilip, onyń qorytyndysy boıynsha is materıaldary Almaty qalasynyń Ákimshilik quqyq buzýshylyqtar jónindegi mamandandyrylǵan aýdanaralyq sotyna joldanǵan. Sonyń negizinde ákimshilik sharalar qabyldandy.
— Sot qaýlysyna sáıkes, menshik ıesi kafege zańsyz turǵyzylǵan eki qabatty qosalqy qurylysty buzýǵa mindettelip, qaıtadan ákimshilik jaýapkershilikke tartylǵan. Almaty qalalyq sotynyń bıylǵy 8 qańtardaǵy qaýlysymen birinshi satydaǵy sot sheshimi ózgerissiz qaldyryldy, — dep habarlady vedomstvodan.
Eske salaıyq, Almatyda uzaqqa sozylǵan sot protsesinen keıin 4 qabatty ǵımarat buzylatyn boldy.