Almatyda zańsyz salynǵan monsha kesheni súrilip jatyr
ASTANA. KAZINFORM — Qaladaǵy Kishi Abaı kóshesi, 190 mekenjaıda ornalasqan nysan súriletin boldy, dep habarlaıdy Almatynyń Qala qurylysyn baqylaý basqarmasy.
Vedomstvo málimetinshe, jospardan tys júrgizilgen tekserý barysynda menshik ıesiniń (jeke tulǵa) esh ruqsat qujattarynsyz, nysandy zańsyz salǵany nyqtaldy. Menshik ıesine qatysty ákimshilik sharalar qabyldandy jáne buzýshylyqtardy joıýǵa nusqama berildi.
— Almatynyń mamandandyrylǵan aýdanaralyq ekonomıkalyq soty 2024 jylǵy 22 qarashada nysandy buzý jóninde sheshim shyǵarǵan edi. Keıin uzaqqa sozylǵan sot talqylaýlary boldy. Almaty qalalyq sotynyń 2025 jylǵy 2 maýsymdaǵy qaýlysymen birinshi satydaǵy nysandy buzý jónindegi sheshim ózgerissiz qaldy, — delingen habarlamada.
Nysan búgin sot oryndaýshylarynyń qatysýymen súrilip jatyr.
Osyǵan deıin Almatynyń taý bókterinde zańsyz qurylys nysany súrilip jatqanyn jazǵan edik.