Almatyda zańsyz salynǵan qos qabatty ǵımarat buzylyp jatyr
ALMATY. KAZINFORM – Almatynyń Qala qurylysyn baqylaý basqarmasy Báıdibek bı kóshesi, 59-úı mekenjaıynda ornalasqan eki qabatty ǵımaratty buzý jumystary bastalǵanyn habarlady.
Vedomstvo málimetinshe, buǵan deıin «On jeti» jeke kásipkerligine qatysty jospardan tys tekserý júrgizilip, ákimshilik sharalar qoldanylǵan. Keıin Almaty qalasynyń Mamandandyrylǵan aýdanaralyq ekonomıkalyq sotyna atalǵan eki qabatty nysandy buzý týraly talap aryz berildi.
— 2025 jyly 23 maýsymdaǵy sot sheshimimen talap tolyq qanaǵattandyryldy. 2023 jylǵy 20 qazanda Almaty qalalyq sotynyń qaýlysymen birinshi satydaǵy sheshimi kúshinde qaldyryldy. Almaty qalasy Ádilet departamentiniń sot oryndaýshylarynyń qatysýymen búgin nysandy buzý jumystary bastaldy, - dep habarlady basqarmadan.
Eske salaıyq, buǵan deıin Almatyda sot sheshimimen óz-ózine qyzmet kórsetetin kólik jýý nysanyn buzý jumystary bastaldy.