Almatyda zańsyz salynǵan kólik jýý nysany buzyldy
ALMATY. KAZINFORM – Almatyda zańsyz salynǵan kezekti kólik jýý orny buzyldy. Bul týraly qala qurylysyn baqylaý basqarmasy málim etti.
Qala qurylysyn baqylaý basqarmasy málim etkendeı, Sot sheshimimen Jýkov kóshesi men Zataevıch kóshesiniń ornalasqan kólik jýý orny súrildi.
— Buǵan deıin qala qurylysyn baqylaý basqarmasy menshik ıesi ruqsatsyz sharýashylyq ádispen kólik jýý ornyn salǵany úshin ákimshilik jaýapkershilikke tartqan bolatyn. Keıin sotqa zańsyz turǵyzylǵan nysandy buzýǵa talap aryz túsirdi, — dep atap ótti basqarmadan.
Sot sheshimimen nysan zańsyz dep tanylyp, talap-aryz qanaǵattandyryldy.
Ony buzý jumystary sot oryndaýshylarynyń qatysýymen júrgizildi.
Eske salaıyq, 2022 jyldyń basynan 2025 jyldyń mamyryna deıin megapolıste ruqsatsyz salynǵan 88 nysan tolyǵymen nemese jartylaı buzyldy.
Osyǵan deıin Almatyda qurylys nysandaryna baqylaý kúsheıtiletini týraly jazǵan bolatynbyz.