Almatyda zańsyz salynǵan ǵımarat sot sheshimimen súrilip jatyr

ALMATY. KAZINFORM – Almatyda Degirmen kafesine zańsyz salynǵan japsarlas qurylys súrile bastady.

Almaty ákimdigi qala qurylysyn baqylaý basqarmasy Dostyq dańǵyly, 40/1 mekenjaıynda ornalasqan Degirmen kafesine japsarlas qurylystyń súrile bastaǵanyn habarlady. Ol sot sheshimimen zańsyz dep tanylǵan. Sondaı-aq, tamaqtaný jelisiniń núktesi ruqsat qujattarynsyz salynǵan japsarlas qurylysta ornalasqany anyqtaldy.

«Ótken jyly 19 maýsymda Qala qurylysyn baqylaý basqarmasy buzýshylyq faktileri boıynsha QR ÁQBtK 319, 322-baptarynyń 1-bóligi boıynsha «Ala kafe» JShS-ǵa qatysty sharalar qabyldady. 2023 jyldyń 20 shildesinde ákimshilik quqyq buzýshylyq jónindegi mamandandyrylǵan aýdanaralyq sot japsarlas qurylysy zańsyz dep tapty, alaıda jaýapker apellıatsııalyq shaǵym túsirdi. Almaty qalalyq sotynyń 2023 jylǵy 14 jeltoqsandaǵy qaýlysymen birinshi satydaǵy sheshim ózgerissiz qaldy», - dep habarlady Almaty ákimdiginiń baspasóz qyzmeti.

Sot sheshimin oryndaý maqsatynda búgin túrik kafesine japsarlas qurylysty súrý jumystary bastaldy.