Almatyda zańsyz salynǵan eki qabatty ǵımarat buzylyp jatyr
ALMATY.KAZINFORM – Almatyda sot sheshimimen taǵy bir qurylys nysany buzylyp jatyr.
Almatynyń qala qurylysyn baqylaý basqarmasynyń málimetine sáıkes, Kýrılskaıa kóshesi,11-úı boıyndaǵy eki qabatty ǵımarat sot sheshimimen zańsyz dep tanyldy.
«Buǵan deıin basqarma ókilderi Danil turǵyn emes úı-jaıdyń menshik ıesine qatysty jospardan tys tekserý júrgizdi. Jiberilgen buzýshylyqtardy joıý boıynsha nusqama joldady. Talaptar oryndalmaǵandyqtan basqarma nysandy buzý úshin mamandandyrylǵan aýdanaralyq ekonomıkalyq sotqa talap aryz berdi», - habarlady basqarmadan.
Nysandy buzý búgin sot oryndaýshylarynyń qatysýymen bastaldy. Almatyda ótken jyldyń basynan beri 50 zańsyz nysan, sonyń ishinde «Mechta», KHAN, «Alma Garden» turǵyn úı keshenderi jáne basqa da nysandar tolyq nemese jartylaı buzyldy.
Eske salaıyq, buǵan deıin Almatyda zańsyz salynǵan tehnıkalyq qyzmet kórsetý ortalyǵy buzylǵanyn jazǵan edik.
Sondaı-aq Qala qurylysyn baqylaý basqarmasy Almatyda satyp alýǵa usynylmaıtyn turǵyn úı keshenderiniń tizimin jarııalaǵan bolatyn.
