Almatyda zańsyz salynǵan dúken buzyldy
ALMATY. KAZINFORM — Almatyda zańsyz nysandarmen kúres jalǵasyp jatyr.
Qala qurylysyn baqylaý basqarmasy ókilderiniń málimetinshe, zańsyz nysan Rozybakıev kóshesi, 292 mekenjaıynda ornalasqan.
Jospardan tys tekserý barysynda menshik ıesiniń turǵyn úıge ruqsatsyz dúken jáne dóńgelek jóndeý ornyn salǵany anyqtaldy.
Basqarma ókilderi menshik ıesine qatysty ákimshilik shara qabyldap, keıin materıal Ákimshilik quqyq buzýshylyqtar jónindegi mamandandyrylǵan aýdanaralyq sotqa joldandy. Sot zańsyz salynǵan qurylysty buzý týraly sheshim shyǵardy.
Sot sheshimin oryndaý aıasynda nysandy menshik ıesi óz kúshimen buzdy.
Buǵan deıin Almatyda jyl basynan beri zańsyz salynǵan 52 nysan buzylǵany habarlandy.
Eske salsaq, Almatyda zańsyz jarnama qurylymdary da alyp tastalǵan edi.
