Almatyda zańsyz salynǵan bıznes-ortalyq buzylyp jatyr
ALMATY. KAZINFORM – Almatydaǵy Muratbaev kóshesinde ornalasqan Parasat bıznes-ortalyǵynyń úshinshi qabaty men mansardy zańsyz salynǵan.
Qala qurylysyn baqylaý basqarmasynyń málimetinshe, «Parasat Samex Co LTD» JShS ıesine jospardan tys tekserý júrgizý barysynda QR Ákimshilik quqyq buzýshylyq týraly kodeksiniń 316-babynyń 1-bóligi jáne 321-baby boıynsha shara qabyldanyp, úshinshi qabat pen mansardyny buzý týraly uıǵarym berilgen. Alaıda menshik ıesi bul talaptardy oryndamaǵandyqtan, materıaldar sotqa joldandy.
«2023 jyldyń qazan aıynda Almaty qalasynyń mamandandyrylǵan aýdanaralyq ekonomıkalyq sotynyń sheshimimen basqarma uıǵarymy májbúrli túrde oryndaý týraly talap-aryzy qanaǵattandyryldy. Menshik ıesi qurylymdy ádilet departamentiniń sot oryndaýshylarynyń qatysýymen óz betinshe buza bastady», - dep atap ótti basqarmadan.
Esterińizge sala keteıik, buǵan deıin Almaty ákimi Erbolat Dosaev zańsyz qurylysqa baqylaýdy kúsheıtýdi tapsyrǵan bolatyn.
Jalpy, qalada byltyrdan beri 33 zańsyz nysan tolyǵymen jáne jartylaı buzyldy, onyń ishinde bıznes ortalyq, meıramhana, qosalqy qurylys pen avtoservıs, sondaı-aq Mechta jáne KHAN sııaqty iri turǵyn úı keshenderi bar.
