Almatyda zańsyz salynǵan bazar buzylyp jatyr
ALMATY. KAZINFORM – Almatyda sot sheshimimen Rysqulov dańǵyly, 420 mekenjaıynda ornalasqan «Úmit» bazary buzylyp jatyr. Bul týraly Almatynyń qala qurylysyn baqylaý basqarmasynyń ókilderi aıtty.
Buǵan deıin jospardan tys tekserý barysynda menshik ıesine tıisti qujattarynyń bolmaýyna baılanysty ákimshilik sharalar qoldanylyp, anyqtalǵan zańbuzýshylyqtardy joıý jóninde nusqama berilgen.
– 2025 jylǵy 22 shildede basqarma atalǵan nysandy buzý týraly talap-aryzdy Almatynyń mamandandyrylǵan aýdanaralyq ekonomıkalyq sotyna joldady. 2025 jylǵy 27 tamyzda sot basqarmanyń talabyn qanaǵattandyrdy, - delingen habarlamada.
Sot sheshimin oryndaý aıasynda menshik ıesi ǵımaratty óz erkimen buzýdy bastady.
Eske salaıyq, buǵan deıin Almatyda zańsyz salynǵan eki qabatty ǵımarat buzylyp jatqanyn habarlaǵan edik.