Almatyda zańsyz salynǵan avtoservıs súrildi
ALMATY. KAZINFORM — Almatynyń «Alǵabas» shaǵyn aýdanyndaǵy Besinshi beles kóshesinde ornalasqan avtoservıs nysany súrildi.
Qala qurylysy baqylaý basqarmasynyń málimetinshe, jospardan tys júrgizilgen tekseris barysynda qurylystyń ruqsatsyz salynǵany anyqtaldy. Nysan ıesine qatysty ákimshilik sharalar qoldanylyp, zań buzýshylyqtardy joıý týraly nusqama berilgen.
Alaıda nusqama talaptary oryndalmaǵandyqtan, basqarma Almatynyń Alataý aýdandyq sotyna talap-aryz túsirgen.
— 2025 jylǵy 29 mamyrda aýdandyq sot talap-aryzdy qanaǵattandyrdy, al Almaty qalalyq soty birinshi satydaǵy sot sheshimin ózgerissiz qaldyrdy. Sot sheshimin oryndaý maqsatynda menshik ıesi nysandy birer kún buryn buzdy, — dep habarlady vedomstvo ókilderi.
Eske salaıyq, keshe Almaty ortalyǵynda zańsyz salynǵan dúken buzyldy.
