Almatyda zańsyz salynǵan avtokólik jýý orny buzyldy
ALMATY. KAZINFORM — Almatyda Alǵabas aýdanyndaǵy zańsyz salynǵan nysandy buzý týraly sheshim qabyldandy.
Qala qurylysyn baqylaý basqarmasynyń málimetinshe, zańsyz salynǵan nysan Alǵabas shaǵynaýdanynda F.Ońǵarsynova kóshesi, 80/1 mekenjaıynda ornalasqan.
Buǵan deıin jospardan tys tekserý aıasynda nysan ıesine qatysty ákimshilik shara qabyldanyp, anyqtalǵan zańbuzýshylyqtardy joıý týraly nusqama berilgen. Alaıda nusqama oryndalmaǵan.
Osydan keıin materıaldar Almaty qalasynyń Ákimshilik quqyq buzýshylyqtar jónindegi mamandandyrylǵan aýdanaralyq sotyna joldandy.
— Almaty qalasynyń Ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen nysan ıesi kináli dep tanylyp, qurylysty májbúrlep buzý týraly sheshim shyǵaryldy, — delingen habarlamada.
Sodan keıin nysan ıesi qurylysty óz erkimen buzdy.
Eske salsaq, Almatyda sýpermarket aldyndaǵy aýqymdy qosalqy nysan buzylǵan edi.
