Almatyda zańsyz saqtalǵan qarý tárkilendi

ALMATY. KAZINFORM — Almatyda polıtsııa qyzmetkerleri tirkelmegen qarýdy tárkiledi. 

Qalalyq polıtsııa departamentiniń málimetinshe, jedel-izdestirý is-sharalary barysynda polıtsııa qyzmetkerleri Alataý aýdanynyń turǵynynda tirkelmegen qarýdyń bolýy múmkin ekeni týraly aqparat alǵan. Tekserý nátıjesinde bul derek rastalyp, qarý tárkilenip, saraptamaǵa jiberildi.

— «Qarý» jedel-profılaktıkalyq is-sharasy respýblıka kóleminde júrgizilip jatyr. Onyń maqsaty — zańsyz saqtalǵan qarýdy tárkileý, quqyq buzýshylyqtardyń jáne qaıǵyly jaǵdaılardyń aldyn alý. Almaty polıtsııasy qoǵamdyq qaýipsizdikti qamtamasyz etý jáne azamattardy qorǵaý baǵytyndaǵy júıeli jumystardy jalǵastyrady, — dedi Alataý aýdandyq polıtsııa basqarmasynyń bastyǵy Edilhan Baıǵaraev.

Eske salaıyq, buǵan deıin BQO-da zańsyz qarý-jaraq pen kıik múıizderi tárkilendi.