Almatyda zańsyz ornatylǵan 500-ge jýyq dúńgirshek buzylady
ALMATY. KAZINFORM – Almaty qalasynyń Kásipkerlik jáne ınvestıtsııalar basqarmasy 27 qańtar men 17 aqpany aralyǵynda statsıonarlyq emes zańsyz saýda nysandaryn buzý jumystaryn josparlap otyr.
Almaty ákimdiginen málim etkendeı, qalanyń barlyq aýdanynda arnaıy jumys komıssııasy quryldy. Olardyń quramyna memlekettik mekemelerdiń, polıtsııa departamentiniń ókilderi, máslıhat depýtattary, qoǵamdyq keńes músheleri jáne «Atameken» QR UKP ókilderi kirdi.
Sonymen qatar qala prokýratýrasy kóshe saýdasynyń zańdylyǵyn qamtamasyz etý boıynsha sharalardy kúsheıtti.
Buzý barysynda ınjenerlik-kommýnıkatsııalyq jelilerden, elektr qýatynan jáne sýmen jabdyqtaý júıelerinen ajyratý kózdelgen. Polıtsııa departamenti aýdan ákimdikterimen birlese otyryp, buzý jumystary júrgiziletin ornynda qoǵamdyq tártip pen qaýipsizdikti qamtamasyz etedi.
Qazir memlekettik qordyń jerinde 500-ge jýyq zańsyz ornatylǵan dúńgirshek bar. Zańsyz ornatylǵan saýda nysandarynyń ıelerimen túsindirý jumystary júrgizilip jatyr. 200-den astam nysan ıesi jazbasha eskertý aldy.
Aıta keteıik, qalada 157 statsıonarlyq emes saýda nysandaryn ornalastyrýǵa arnalǵan 142 oryn bekitilgen.
Osyǵan deıin Almatyda qurylys nysandaryna baqylaý kúsheıtiletini týraly jazǵan bolatynbyz.
Budan bólek, 2024 jyldyń sońynda máslıhat depýtattary qalanyń jańa qurylys erejelerin bekitken edi.
