Almatyda zańsyz qoǵamdyq tamaqtaný nysany buzyldy
ALMATY. KAZINFORM — Almatyda zańsyz salynǵan qurylystardy anyqtaý jáne joıý jumystary jalǵasyp jatyr.
Qala qurylysyn baqylaý basqarmasynyń málimetinshe, buǵan deıin Tóle bı kóshesi, 293/1 mekenjaıynda ortaq paıdalanylatyn aýmaqta zańsyz nysan anyqtalǵan. Onda qoǵamdyq tamaqtaný qyzmeti kórsetilgen.
— Tekserý barysynda qurylys zań talaptaryna sáıkes kelmeıtini belgili bolǵannan keıin Qala qurylysyn baqylaý basqarmasy ınspektorlary nysan ıesine túsindirý jumystaryn júrgizip, qurylysty qoldanystaǵy normalarǵa sáıkestendirý qajettigin jetkizdi, — delingen habarlamada.
Menshik ıesi zańsyz nysandy óz erkimen buzý týraly sheshim qabyldady.
Qala qurylysyn baqylaý basqarmasy azamattardy qurylys jumystaryn bastamas buryn barlyq qajetti ruqsat qujattaryn rásimdeýge jáne qala qurylysy talaptaryn qatań saqtaýǵa úndedi.
Eske salaıyq, buǵan deıin Almatydaǵy Qajymuqan kóshesi, 34 mekenjaıynda ornalasqan azyq-túlik dúkenine qosymsha salynǵan nysan buzylǵanyn habarlaǵan edik.
