Almatyda zańsyz aınalymnan jarty tonnadan astam pırotehnıka tárkilendi

ALMATY. KAZINFORM — Almaty polıtsııasy «Pırotehnıka» jedel-profılaktıkalyq is-sharasyn ótkizip jatyr. 

Qalalyq polıtsııa departamentiniń málimetinshe, qazirge deıin pırotehnıkalyq ónimderdi zańsyz satýdyń 52 deregi anyqtaldy. Tekserý nátıjesinde zańsyz aınalymnan jalpy salmaǵy 510 keli bolatyn 167 qorap pırotehnıka tárkilenip, bul derekter boıynsha 52 ákimshilik is qozǵaldy.

— Ótkizilip jatqan is-sharalardyń negizgi maqsaty — jaraqat alý men órt shyǵý qaýpiniń aldyn alý, sondaı-aq jappaı jáne merekelik is-sharalar kezeńinde azamattardyń, ásirese balalardyń qaýipsizdigin qamtamasyz etý, — dedi PD qoǵamdyq qaýipsizdik basqarmasynyń bastyǵy Ashat Qulbaev.

Eske salaıyq, buǵan deıin Almatyda pırotehnıkanyń zańsyz satylymy tekserilip jatqanyn jazǵanbyz.