Almatyda zańsyz aýlanǵan 700 keli balyq anyqtaldy

ALMATY. KAZINFORM — Qapshaǵaı balyq ınspektsııasy bólimi zańsyz aýlanǵan balyqty kólikpen tasymaldaǵandar ustalǵanyn habarlady.

20 aqpan kúni balyq ınspektsııasy reıd sharalary barysynda Almaty qalasynyń Yrysty kóshesinde «Gazel» kóligin toqtatqan. Tekserý kezinde kólikten zańsyz aýlanǵan balyq anyqtaldy.

Aldyn ala baǵalaý boıynsha balyq resýrstaryna 5 946 348 teńge zalal keltirilgen.

— Atalǵan derek boıynsha QR ÁQBtK-niń 389-babynyń 1-tarmaqshasyna sáıkes ákimshilik is qozǵalyp, protsessýaldyq sheshim qabyldaý maqsatynda ákimshilik is sot organyna jiberildi. Sot sheshimine deıin zań buzýshylardan 707 kg zańsyz aýlanǵan balyq tárkilendi, — dep habarlady ınspektsııadan.

Eske salaıyq, buǵan deıin Balqashta 100 keliden astam zańsyz balyq aýlaǵan tórt adam ustalǵanyn jazǵanbyz.