Almatyda aryzdanýshyǵa tıesili 370 mln teńgeni ıemdenip alǵan sot oryndaýshysy sottaldy

ALMATY. KAZINFORM – Almatyda jeke sot oryndashy óndirip alynǵan qarajatty ıemdenip, asa iri kólemdegi alaıaqtyq jasaǵany úshin sottaldy. 

Qala prokýratýrasynyń júrgizgen tekserýi barysynda tártip buzý faktileri anyqtaldy.

— Jeke sot oryndaýshysy óziniń qyzmet babyn paıdalana otyryp, óndirip alýshylarǵa tıesili 370 mıllıon teńgeden astam qarjyny ıemdenip alǵany, sondaı-aq Range Rover avtokóligin zańsyz ıemdenip, 19 mıllıon teńgeden astam shyǵyn keltirgeni anyqtaldy, — delingen habarlamada.

Almaly aýdandyq sotynyń úkimimen jeke sot oryndaýshysynyń qylmystyq jolmen tapqan múlki tárkilenip, 8 jylǵa bas bostandyǵynan jáne sot oryndaýshysy qyzmetimen aınalysý quqyǵynan aıyryldy.

Úkim zańdy kúshine engen joq.

Aıta ketelik Astanada jeke sot oryndaýshylar jeke tabys salyǵyn tólemeı kelgen.