Almatyda zańnan tys qosymsha qyzmet kórsetken avtosalondar jazalandy

ALMATY. KAZINFORM - Almaly aýdanynyń prokýratýrasy qalalyq avtosalondarǵa quqyqtyq tekseris júrgizdi.

Prokýratýranyń málimetinshe, qalanyń birqatar avtosalony klıentterge júıeli túrde qosymsha qyzmet (dabyl júıesi, avtoáınekterdi qarańǵylaý, tósenishter jáne t.b. qosymsha aqy tóleýge arnalǵan jabdyqtar) júktep, sol arqyly olardyń quqyqtary men qoldanystaǵy zańdy buzyp otyrǵan.

- Prokýrorlyq qadaǵalaý aktisiniń negizinde Almaty qalasy Básekelestikti qorǵaý jáne damytý departamenti «Toyota Tsusho Kazakhstan Auto» JShS-yn 88 mln teńgeden astam somaǵa aıyppul salýmen QR ÁQBtK-niń 159-baby 3-1-tarmaǵymen (monopolıstik qyzmet) ákimshilik jaýapqa tarta otyryp, tergeý júrgizdi. Qazirgi ýaqytta aıyppul tolyq kólemde tólendi, - dep habarlady qalalyq prokýratýradan.

Prokýratýra Qazaqstan Respýblıkasynyń zańnamasymen tutynýshylarǵa qosymsha qyzmet kórsetýge tyıym salynǵanyn eskertti.

Eske salaıyq, buǵan deıin Pavlodar turǵyny avtosalondy sotqa berip, 20,5 mln teńge óndirip alǵanyn jazǵanbyz.