Almatyda zańger áıeldi pyshaqtap óltirgen burynǵy kúıeýi 11 jylǵa sottaldy

Almaty qalalyq sotynda zańger Aıman Asanovanyń ólimine qatysty qylmystyq is boıynsha úkim jarııalandy. Marqumnyń burynǵy kúıeýi 11 jylǵa bas bostandyǵynan aıyryldy, dep habarlaıdy QazAqparat tilshisi. 

Sotta anyqtalǵandaı N. 2022 jyly 8 qazannan 9 qazanǵa qaraǵan túni burynǵy jubaıyn úıiniń janynda kútip turǵan.

Er adam oǵan múlikti bólý jóninde talap qoıady.

«Áıel dóreki jaýap qatyp, aýyr sózder aıtyp bul máseleni talqylaýdan bas tartady. Osylaısha burynǵy erli-zaıyptylar arasynda janjal shyǵady. Osy kezinde er adam qolyndaǵy pyshaqpen áıelge 18 márte soqqy jasaıdy. Ómirge sáıkes kelmeıtin jaraqattyń saldarynan áıel aýrýhanada kóz jumdy», — dep habarlady qalalyq sottan. 

Prokýror men jábirlenýshi tarap sýdıadan oǵan qatań jaza taǵaıyndaýdy surady. 

Alqabıler aıypkerdi qasaqana kisi óltirgeni úshin kináli dep tanydy. 

Sot aıyptalýshyny qasaqana adam óltirgeni úshin kináli dep tanyp (QR QK-niń 99 baby 1 bólimi boıynsha) 11 jylǵa bas bostandyǵynan aıyrý jazasyn taǵaıyndady.

Sottalýshy kinásin moıyndamady, ol jubaıyn erekshe tolqý jaǵdaıynda óltirgenin málimdedi.

Úkim zańdy kúshine engen joq.

Eske salaıyq, Aıman Asanova 2022 jyldyń 12 qazan kúni kóptegen pyshaq jaraqatynan medıtsınalyq mekemede qaıtys boldy. 

Keıin advokat áıeldi óltirdi degen kúdikpen onyń burynǵy kúıeýi ustaldy. 

20 maýsymda Almaty soty Aıman Asanovanyń burynǵy kúıeýin qatty psıhıkalyq tolqý jaǵdaıynda óltirgeni úshin kináli dep taýyp, 1,5 bas bostandyǵynan aıyrǵan. 

Alaıda alqabıler qatysqan apellıatsııalyq sotta úkimniń kúshi joıyldy.