Almatyda WS Community Day Central Asia 2025 forýmy ótip jatyr
ASTANA. KAZINFORM – Jastar - tehnologııany tutynýshy ǵana emes ony jasaıtyn urpaq. Mundaı pikirdi Ál-Farabı atyndaǵy Qazaq ulttyq ýnıversıtetiniń bazasynda ótip jatqan AWS Community Day Central Asia 2025 atty aýqymdy óńirlik is-sharada atalǵan ýnıversıtettiń prorektory Marǵulan Ibraımov bildirdi.
Forýmnyń ashylý saltanatynda óz sóılegen ol mundaı bastamalardyń mańyzyn atap ótti.
- Búgingi jastar - tehnologııany tutynýshy ǵana emes, sonymen qatar ony jasaıtyn urpaq. AWS Community Day sııaqty sharalar – stýdentter, sala mamandary tájirıbe almasyp, Qazaqstan men búkil Ortalyq Azııanyń tsıfrlyq bolashaǵyn qalyptastyratyn mańyzdy alań», – dedi prorektor.
Qazaqstan, Qyrǵyzstan jáne Ózbekstandaǵy resmı AWS qaýymdastyqtarynyń jetekshileri uıymdastyryp jatqan forým barysynda qatysýshylar naqty jobalar mysalynda bultty sheshimderdi qurý tájirıbesin talqylap, tsıfrlyq transformatsııanyń ózekti máselelerin kóterdi. Sonymen qatar, DevOps, mashınalyq oqytý, avtomattandyrý jáne kıberqaýipsizdik salalaryndaǵy zamanaýı ádistermen tanysty. Іs-sharanyń erekshe qyzyǵýshylyq týdyrǵan sessııalardyń biri – naqty jobalar arhıtektýrasyn taldaý jáne jiberilgen qatelikter týraly ashyq pikirtalastar. Praktıkalyq sheberlik- synyptarda qatysýshylar teorııany tájirıbemen ushtastyrý múmkindigine ıe boldy.
Forým baǵdarlamasynyń eń mańyzdy bóligi – AWS GameDay komandalyq jarys barysynda qatysýshylar naqty ómirlik jaǵdaılarǵa uqsas ınjenerlik tapsyrmalardy sheship, komandalyq jumys pen shynaıy tájirıbe arqyly bilimderin jetildirdi.
Halyqaralyq alqaly jıynǵa AWS Heroes, Community Builders sarapshylary men Kanada, Germanııa, Ispanııa, Qazaqstan jáne Ózbekstannan kelgen arnaıy qonaqtar qatysyp, ınjenerler, arhıtektýra mamandary, startap ókilderi, stýdentter men ІT-sala kóshbasshylary bas qosty.
Osyǵan deıin qazaqstandyqtardyń tegin JI-zańger kómegine júgine alatyny týraly jazdyq.