Almatyda Warner Bros qarjylyq pıramıdasyna qatysty sot úkimi shyqty

ASTANA. KAZINFORM — QMA Almaty qalasy boıynsha departamenti «Warner Bros» qarjy pıramıdasyn qurý jáne ony basqarý faktisi boıynsha tergeýdi aıaqtady.

Qarjy pıramıdasynyń uıymdastyrýshylary azamattardy joǵary tabys ýádesimen ınvestıtsııa salýǵa úgittegen.

Jobaǵa zańdy kórinis berýi úshin osy iske esh qatysy joq tanymal gollıvýdtyq kompanııasynyń ataýyn paıdalanǵan. Qatysýshylarǵa fılm treılerlerin qaraý jáne jańa salymshylardy tartý arqyly tabys tabý usynylǵan.

Joba 9 deńgeıden turǵan, ortasha salym mólsheri 225 myń teńge, tólemder tek USDT krıptovalıýtasynda qabyldanǵan.

— Shemany ilgeriletý úshin áleýmettik jeliler men messendjerler belsendi qoldanylǵan. Admınıstratorlar arnaıy chattar quryp, oqytý júrgizip, nusqaýlyqtar men beınerolıkter taratqan, jyldam tabys pen krıptovalıýta túrinde syıaqy ýáde etken.

Tergeý barysynda salymshylardan jınalǵan jáne aýdarylǵan qarajatty saqtaý úshin paıdalanylǵan krıptoámııandar anyqtaldy, — delingen habarlamada.

Sot sanktsııasymen jalpy somasy 3,8 mln USDT kólemindegi krıptoaktıvterge tyıym salyndy.

Sot úkimimen uıymdastyrýshyǵa 5 jyl bas bostandyǵynan aıyrý jazasy taǵaıyndaldy.

Sonymen qatar, sot 40 jábirlenýshiniń azamattyq talaptaryn qanaǵattandyryp, olardyń zalaly tyıym salynǵan krıptoaktıvter esebinen óteletin boldy.

Úkim zańdy kúshine engen joq. 

Aıta ketelik Kókshetaýda 136 mıllıon teńge jınaǵan qarjy pıramıdasy áshkere bolǵan edi.