Almatyda velosherýge baılanysty birneshe kóshe jabylady
ALMATY. KAZINFORM — Almatyda «Almaty Glow Ride» túngi velosherýine baılanysty kólik qozǵalysyna ýaqytsha shekteý engiziledi.
23 mamyrda alǵash ret «Almaty Glow Ride» velosherýi ótedi. Qala ákimdiginiń málimetinshe, aýqymdy is-shara sportty, salaýatty ómir saltyn jáne belsendi demalysty nasıhattaýǵa baǵyttalǵan.
Іs-sharany ótkizýge baılanysty 23 mamyr saǵat 20:00–den 23:30–ǵa deıin Tóle bı kóshesinde avtokólik qozǵalysy tolyqtaı toqtatylady. Sonymen qatar saǵat 21:45–ten 23:00–ge deıin velosherý qatysýshylary kolonnasynyń ótýine qaraı Nazarbaev dańǵyly men Jeltoqsan kóshesinde eki baǵytta ýaqytsha qozǵalys shekteýi engiziledi.
Velosherýdiń bastalýy saǵat 22:00–de Astana alańynda josparlanǵan. Qatysýshylar Tóle bı kóshesi — Nazarbaev dańǵyly — Tımırıazev kóshesi (Almaty qalasy ákimdigi mańy) — Jeltoqsan kóshesi — Tóle bı kóshesi baǵytymen qozǵalady.
— Іs-sharaǵa 3000-ǵa deıin adam qatyspaq. Qatysýshylar úshin neondy jaryq elementteri, oıyn-saýyq baǵdarlamasy, baıqaýlar men ınteraktıvti belsendilikter uıymdastyrylady. Qaladaǵy kólik qozǵalysyn tolyq qalpyna keltirý saǵat 23:30–ǵa josparlanǵan, — dep habarlady ákimdikten.
Eske salaıyq, buǵan deıin Almatyda jańa avtobýs baǵyty ashyldy.
