Almatyda uzaqqa sozylǵan sot protsesinen keıin 4 qabatty ǵımarat buzylyp jatyr
ALMATY. KAZINFORM — Tsıolkovskıı kóshesi, 2/324 mekenjaıynda ornalasqan nysan sot sheshimimen zańsyz dep tanyldy.
Almatynyń qala qurylysyn baqylaý basqarmasynyń habarlaýynsha, buǵan deıin júrgizilgen jospardan tys tekserý barysynda menshik ıesiniń ruqsatsyz 4 qabatty ǵımarat salǵany anyqtaldy.
— Menshik ıesine qatysty ákimshilik sharalar qabyldanyp, sotqa talap aryz berildi. Uzaqqa sozylǵan sot protsesteriniń nátıjesinde apellıatsııalyq sot alqasy zańsyz salynǵan nysandy buzý týraly qaýly shyǵardy. 2026 jyly 23 aqpanda Ádilet departamentinde atqarýshylyq is qozǵaldy, — delingen habarlamada.
Basqarma málimetinshe, birer kún buryn sot oryndaýshylarynyń qatysýymen ǵımaratty buzý jumystary bastaldy.
Eske salaıyq, buǵan deıin Almatydaǵy Rozybakıev kóshesi, 166 mekenjaıynda ornalasqan dámhananyń zańsyz salynǵan jazǵy terrasasy buzylyp jatqanyn habarlaǵanbyz.
