Almatyda úısiz-kúısiz adamdardy urlap, nesıe rásimdetken qylmystyq top quryqtaldy
ASTANA. KAZINFORM - Almaty qalasynda uıymdasqan qylmysqa qarsy kúres basqarmasynyń jedel ýákilderi belgili bir turǵylyqty jeri joq adamdardy urlaýmen jáne zańsyz bas bostandyǵynan aıyrýmen aınalysqan qylmystyq toptyń qyzmetin toqtatty. Bul týraly Polisia.kz. saıty jazdy.
Kúdiktiler jábirlenýshilerdi aldap, olarǵa qaıtarymsyz nesıe rásimdetken. Arnaıy jalǵa alynǵan kottedjde qamaýda ustalǵan 29 adam anyqtaldy. Olarǵa keltirilgen shyǵyn 200 mln teńgeden asady.
– Sotqa deıingi tergep-tekserý nátıjesi men jınaqtalǵan dáleldemeler jıyntyǵy boıynsha kúdiktilerge qatysty uıymdasqan qylmystyq top qurǵany, ony basqaryp, qatysqany úshin eki qylmystyq is qozǵaldy. Qylmystyq toptyń barlyq jeti múshesi ustalyp, qamaqqa alyndy. Zattaı dáleldemeler tárkilenip, tergeý amaldary júrgizilip jatyr. Basqa da aqparat tergeý múddesinde jarııalanýǵa jatpaıdy, – dedi departament bastyǵy – ІІM resmı ókili Shyńǵys Alekeshev.
