Almatyda uıymdasqan 10 qylmystyq top ustalyp, júzge jýyq qarý tárkilendi

ALMATY. KAZINFORM — Almatyda polıtsııa uıymdasqan qylmystyq top qurýdyń 10 deregin tergep jatyr.

Almaty qalalyq polıtsııa departamentinen málim etkendeı, megapolıste uıymdasqan qylmystyq top qurýdyń 10 deregin anyqtaý jumysy júrip jatyr, onyń 1-eýi — transulttyq uıymdasqan top qurý jáne oǵan basshylyq etý.

— Byltyr 22 adamnyń qylmystyq áreketi toqtatyldy. Zańsyz aınalymnan 99 atys qarýy tárkilendi, onyń ishinde 18 tapansha, alty avtomat, 26 myltyq, jeti vıntovka, alty sholaq myltyq, 35 travmatıkalyq qarý, 15 jarylǵysh zat, sondaı-aq 1456 oq-dári, — dep habarlady polıtsııadan.

Sonymen qatar, uıymdasqan qylmysqa qarsy kúres basqarmasynyń qyzmetkerleri adam saýdasynyń eki deregin, jeńgetaılyq pen jezóksheliktiń 25 faktisin toqtatty.

Buǵan deıin Almatyda transulttyq uıymdasqan qylmystyq top músheleri sottalǵan bolatyn.