Almatyda úı janýarlaryn qaıda tegin zararsyzdandyrýǵa bolady
ALMATY. KAZINFORM – Almatyda úı janýarlaryn tegin zararsyzdandyrý jáne pishtirý baǵdarlamasy júrip jatyr. 1 maýsymnan qazirgi deıin 2,5 myń úı janýary zararsyzdandyrylyp, 2 myń janýar chıptelgen.
Almaty qalasy Kásipkerlik jáne ınvestıtsııalar basqarmasynyń málimetine sáıkes, megapolıste qańǵybas janýarlardyń sanyn izgiliki túrde retteýdiń 2021-2024 jyldarǵa arnalǵan baǵdarlamasy sheńberinde úı janýarlaryn tegin zararsyzdandyrý jáne pishtirý baǵdarlamasy ótýde. Joba aıasynda shamamen 9000 ıt pen mysyqty qamtý josparlanyp otyr.
- Baǵdarlamaǵa qatysýǵa derekter qorynda senimdi esepke alý úshin veterınarııalyq pasporty men mıkrochıpy bar janýarlar jiberiledi. Mıkrochıpy men pasporty bolmaǵan jaǵdaıda, olardy emhanadan qosymsha aqy tólep alýǵa bolady. Itter men mysyqtardy zararsyzdandyrýdyń jas shekteýi 7 aıdan 9 jasqa deıin, tóbet ıtter men er mysyqtardy zararsyzdandyrýdyń jas shekteýi 6 aıdan 9 jasqa deıin, - dep habalaıdy basqarma baspasóz qyzmeti.
1 maýsym kúni bastalǵan baǵdarlama jyl sońyna deıin jalǵasady.
Itter men mysyqtardy tegin zararsyzdandyrýǵa jáne pishtirýge arnalǵan veterınarııalyq emhanalardyń mekenjaılary:
«Mastino» veterınarııalyq emhanasynyń mekenjaıy: Esenberlın kóshesi, 217.
telefony: 8 (700) 327-44-89
«Aıbolıt» veterınarııalyq emhanasynyń mekenjaıy: Abaı dańǵyly, 26.
telefon: 8 (708) 972 02 07
«VET ELITE» veterınarııalyq emhanasynyń mekenjaıy: Kúderın kóshesi, 6.
telefon: 8 (700) 776 62 50
SK «V-GROUP INVEST» veterınarııalyq emhanasynyń mekenjaıy: Seıdimbek kóshesi, 26.
telefon: 8 (707) 523-73-73
«ALLVET» veterınarııalyq emhanasynyń mekenjaıy: Tóle bı kóshesi, 279 «B».
telefon: 8 (747) 438 38 87
