Almatyda úı tonaý faktileri tirkelgen joq — polıtsııa
ALMATY. KAZINFORM — Almaty polıtsııa departamentiniń qyzmetteri men bólimsheleri kúsheıtilgen rejımde jumys istep jatyr.
Jalpy, qaladaǵy tártipti 2,5 myńǵa jýyq polıtsııa qyzmetkeri — patrýldik qyzmetkerler, ýchaskelik ınspektorlar, ıývenaldy polıtsııa qyzmetkerleri, jedel ýákilder, sondaı-aq tergeý-jedel toptary qamtamasyz etti.
«Tún salystyrmaly túrde tynysh boldy. Qaladaǵy jedel jaǵdaıdyń asqynýyna jol berilmedi. Jol qaýipsizdigi tıisti deńgeıde qamtamasyz etildi. 102 jelisi qalypty rejımde jumys istep turdy. Azamattardan kelip túsken qońyraýlar sany kóbeıgen joq», — dep habarlady Almaty polıtsııa departamenti.
Sonymen qatar, bastapqy kezeńde azamattardyń múlkiniń saqtalýyn qamtamasyz etý jáne qylmystyń aldyn alý boıynsha profılaktıkalyq is-sharalar júrgizildi.
Eshqandaı tonaý faktisi tirkelmegen.
