Almatyda úı kezegi nelikten artqa jyljyǵan - ákimdik jaýaby

ALMATY. KAZINFORM – Almatyda qalalyq máslıhatynyń kezekten tys XXHVI sessııasy ótti.

Sessııa barysynda Almaty qalasynda turǵyn úı sertıfıkattaryn alýshylar sanattarynyń tizbesi men mólsherin aıqyndaý máselesi talqylandy.

Máslıhat depýtattary kommýnaldyq ınfraqurylym jáne turǵyn úı ınspektsııasy basqarmasynyń basshysy Sharhan Tursynbaevtan keı azamattarda úı kezegi nelikten ózgergenin surady. Olardyń aıtýynsha, almatylyqtar kezektiń artqa ketkenine jıi shaǵymdanady.

- Sońǵy zańnamalyq ózgeristerge baılanysty 5 sanat toby alynyp tastaldy da, adamdardyń kezegi turǵan kúnine aýysty. Kezinde kezekke kópbalaly, 1 ne 2 toptaǵy múgedek degen syndy kategorııamen tursa, qazir úı kezegine tirkelgen sátten bastap merzimi ózgerdi. Biraq bir eskeretin tusy - 20 paıyz jetim balalarǵa qalady. Osy 20 paıyzǵa úı berilgen kezde olar 700-shi tursa da, birinshi bolyp alady. Al qalǵandary kezekke qoıylǵan kúni boıynsha kezekpen Otbasy bank arqyly úı ala alady. Myńynshy turǵan adam 3 myńynshy kezekke aýysqan jaǵdaılar bar. Biz turǵyndarǵa sebebin jeke túsindirip júrmiz, - dedi Sharhan Tursynbaev.

Eske salaıyq, bıyl muqtaj jandarǵa baspana bólý qyzmeti ákimdikten «Otbasy bankke» ótti.