Almatyda ústine aǵash qulaǵan qyz mert boldy

ALMATY. KAZINFORM – Almatyda jaıaý júrginshiler jolymen kele jatqan qyzdyń ústine aǵash qulady.

Jelidegi málimetke sáıkes, Qaıǵyly oqıǵa Ádı Sháripov kóshesi men Qarasaı batyr kóshesiniń qıylysynda bolǵan. Jumystan kofe alýǵa shyǵyp, qaıtyp kele jatqan kezde ústine aǵash qulaǵan. Ol alǵan jaraqattarynan jan tapsyrdy.

Almaty qalasy polıtsııa departamenti bul derekti rastap, tergeý jumystaryn bastady.

- Atalǵan derek boıynsha Almaty qalasy Almaly aýdandyq polıtsııa basqarmasy qylmystyq is qozǵady.Qazirgi ýaqytta mán-jaılar anyqtalyp jatyr, - dep habarlady polıtsııadan.

Eske salaıyq, buǵan deıin Almaty oblysynda daýyl kezinde aǵash qulap, er adam mert bolǵanyn jazǵanbyz.