Almatyda ústel tennısinen WTT Youth Contender týrnıri ótedi

ALMATY. KAZINFORM – 23-26 shilde aralyǵynda Almaty qalasynda WTT Youth Contender Almaty halyqaralyq týrnıri ótedi. 

Álemdik dodada 16 elden kelgen 235 sportshy baq synaıdy dep kútilip otyr. Atap aıtqanda, jarysqa Gonkong, Úndistan, Qatar, Qytaı Taıbei, Qyrǵyzstan, Malaızııa, Mońǵolııa, BAÁ, Reseı, Saýd Arabııasy, AQSh, Túrikmenstan, Ózbekstan, Ońtústik Koreıa, Japonııa jáne Qazaqstan ókilderi qatysady. 

Qazaqstan jasóspirimder quramasynyń atynan túrli jas sanattarynda 86 tennısshi synǵa túsedi. 

Halyqaralyq ústel tennısi federatsııasy (ITTF) jáne Dúnıejúzilik ústel tennısi (WTT) aıasynda ótetin bul týrnır jasóspirimder serııasynyń kúntizbesine engizilgen jáne týrnırde jınaǵan upaı álemdik reıtıngidegi orynǵa tikeleı áser etedi. 

Júldeli oryndar mynadaı sanattar boıynsha sarapqa salynady:

1. Uldar jáne qyzdar, 11 jasqa deıingi jekeleı syn;

2. Uldar jáne qyzdar, 13 jasqa deıingi jekeleı syn;

3. Jasóspirim uldar jáne qyzdar, 15 jasqa deıingi jekeleı syn;

4. Jasóspirim uldar jáne qyzdar, 17 jasqa deıingi jekeleı syn;

5. Jasóspirim uldar jáne qyzdar, 19 jasqa deıingi jekeleı syn;

6. 15 jasqa deıingi aralas juptyq syn;

7. 19 jasqa deıingi aralas juptyq syn.

Týrnır ADD Ustel Tennis Ortalygy sport kesheninde ótedi. Kórermender úshin kirý tegin bolady. 

Buǵan deıin Anna Danılına Ýımbldon týrnırin jeńispen bastaǵanyn jazǵan edik.