Almatyda ústel tennısinen Qazaqstan chempıonaty ótedi

ASTANA. KAZINFORM — Almatyda ústel tennısinen Qazaqstan Respýblıkasynyń chempıonaty ótedi.

Qazaqstan ústel tennısi federatsııasynyń habarlaýynsha, sportshylar komandalyq, jeke, juptyq jáne aralas razrıadta (mıkst) synǵa túsedi.

Qatysýshylar arasynda halyqaralyq dárejedegi sport sheberleri Kırıll Gerasımenko (Astana), Alan Qurmanǵalıev (Qaraǵandy oblysy), Sarvınoz Mırkadırova (Almaty), Aıdos Kenjegulov (Almaty), Zaýresh Aqasheva (Qaraǵandy oblysy), Ánel Baqyt (Almaty), Irısbek Artýkmetov (Shymkent) bar.

Sondaı-aq el birinshiliginde QR ulttyq qurama komandasynyń músheleri, Álem jáne Azııa chempıonattarynyń qatysýshylary Sanjar Jubanov (Almaty), Iskender Harkı (Jambyl oblysy), Angelına Romanovskaıa (Pavlodar oblysy) saıysqa túsedi.

Aıta ketsek, 17-25 mamyr aralyǵynda Qatarda ótetin ústel tennısinen álem chempıonatyna Kırıll Gerasımenko (jekeleı syn), Sarvınoz Mırkadırova men Zaýresh Akasheva (juptyq syn) qatysady.