Almatyda ústel tennısinen Qazaqstan chempıonaty ótedi
Almaty qalasynda 9-15 qańtar aralyǵynda ústel tennısinen Qazaqstan chempıonaty ótkiziledi, dep habarlaıdy Kazinform.
Dúbirli dodada sportshylar jekeleı jáne komandalyq esepte synǵa túsedi.
Oǵan Astana, Almaty, Shymkent qalalary men elimizdiń barlyq óńirinen tennısshiler keledi.
Jarys qorytyndysymen ulttyq qurama jasaqtalady.
Olar 16-25 aqpan aralyǵynda Ońtústik Koreıanyń Pýsan qalasynda ótetin álem chempıonatynda el namysyn qorǵaıdy.
Elimizde ústel tennısinen Alan Qurmanǵalıev, Kırıll Gerasımenko sekildi sportshylar álemdik jarystarda baq synap keledi.
Aıta ketsek, byltyr qazaqstandyq Alan Qurmanǵalıev Ammanda (Iordanııa) ótken týrnırde týrnırde jeńimpaz atandy.
Sondaı-aq, Almatyda ótken ústel tennısinen halyqaralyq týrnırde qazaqstandyq sportshylar tórt medal jeńip aldy.
Týrnırde Alan Qurmanǵalıev (Qaraǵandy), Sarvınoz Mırkadırova (Shymkent), Orynbasar Esimhan (Túrkistan), Aınaz Ádilgereeva (Almaty) qola júldeger atandy.
